عزاه يارجلن عثا فيه دولاج
وخلاه عن وصل التباشير مشلول
ماله عن صدوف المقادير مخراج
ولاهو من سجون الهواجيس مكفول
يون ون شوييبن سمع نجناج
يم قصراه وهلت العين هملول
شدو وهو من حرة الواقعه ساج
وهو ينادي والعرب فوق زعجول
وجدي على من شوفته كنها افراج
منهو قضى تسعة عشر فوقها حول
اقفا به الي ماوقف تو مزلاج
موتن من الله خالق الكون مرسول
ياحر جوفي من طفى عقبه سراج
فيصل ولد من يضرب العرض بالطول
يوم الثلوث وضارب القلب سوهاج
وجثمان عوده من على المتن مشيول
يوم افهقو منه المخاليق وازعاج
منهو يعزي لاسقى شوفة الضول
هل العباير كنها البحر لاماج
من فوق قبر مبدي الفعل عالقول
وجدي عليه عداد ماطاريه هاج
امن يعرى للحرف لاعلوة الغول
ووجدي عليه عداد ماكبّر الحاج
وعداد مايفهق شعا الشمس غرمول
ياموت مالي دونك ابواب وسياج
اضرب على صدري وانا عنك مسوؤل
ياموت انا طلّاب للموت محتاج
عن مطلبي ياموت طالبك لاتحول
ابدفع بروحي لجل شوفته باج
لو ان لحظة شوفته ماهي تطول