يامنادي لاتنادي يامنادي
حسبك الله ليه تبغالي مضرّه
لاتنادي بسمها وانا فوادي
ينثلم لاسمع طاريها ومرّه
اتردد للمشايخ باعتقادي
ربي ادفع مس صاب القلب شرّه
قالو اصبر مثل صبرك يالمهادي
وابتهل للي تعالى كل غرّه
يوم قال ف محكمه ايّا عبادي
ادعو الي يبدل الضرّ مسرّه
ياطبيبي ويش بيسوي ضمادي
البلا ماهو شبيه لكل مرّه
لابلاي الهلوسه ولا احادي
قطب ولا سرطناتن مستقره
المرض دمع العيون الاارادي
لاطرالي من لجوف العين قره
ياقصيدي لالمحت قران حادي
والقمر خلف الثريا فالمجرّه
لاتوجد طر جيبي من مرادي
شاعرك قبلك فرا جيبه وطرّه
ياجهادٍ مانقصر عنه جهادي
كيف وانا باغين لي عين حرّه
ماعدلها من مخضّبت الايادي
ولاشبهها من كنوز البحر دّره
طيري الي صاقره قوة عنادي
ولاشبهه له فالنوادر من يكرّه
فرخ حرٍ مانكف حزة هدادي
مابقى من صحصحٍ ماسبق فرّه
ياوجودي لاغشى عيني سوادي
وهلت الدمعه وحلقي غص غرّه
وجد منهو ضاربن له ليل وادي
ضاع مالقيوله من ايات جرّه
راح عمري بين متماسك وهادي
والحزن في داخل ضلوعي مقره
ماعرفت اعن للفرحة جوادي
او ابات الحزن ودموعي تثرّه
ضايعن لو كنت في داخل بلادي
واشتحن لادنات صوتٍ لآل مره
ايه انا يالي تنادي لاتنادي
ايه انا الي صوته اليا ضاق جرّه
الله اكبر عقب غالي صرت عادي!
اشهد انها ياضنيني منك حرّه
ليت من دمعه مثل مزن الغوادي
تمسح دموعه وترجعله تبرّه