يا متعبة ما ودك اليوم تنسين
حلمٍ على درب الوجع طال ممشاه!
طول الرجا.. في من نسى يعمي العين
ويخلي أنفاس الفرح مالها أفواه
الحلم دون اثنين للحلم وافين
راعيه يشرب مُر حزنه وبلواه.!
وأنتي أنكسرتي لين صار العمر دين
وماعاد لك في بيت هذا العمر جاه
لا تنطرين العيد لو مرت سنين
وطفل انتظارك شاب ماذاق..حلواه!
لاتنطرين العيد لوغاب تكفين
أش يجبرك تقضين عمرك معاناه!
أدري بك إنك في سما..الحب تحيين
وماهزك الا صوت الاحلام وياه!
وأدري بك إنك لو تمنيين تقسين
تمطر كفوفك لجل تسقي..شفاياه!!
وأدري بك إنك في حروفه تغنين
ما ملت شفاهك تقاسيم مغناه...!
وأدري دموعك تحرق جفونك الحين
وأنتي بدونه يسهَرك طيف ذكراه!
ولو تحسبين اللي مضى كان تلقين
سلة جروحك والوجع من عطاياه...!
لاتنكرين إنك تبين وتمنين!
وإنه لغيرك يرسم أحلام دنياه!
ويا مُتعبه لو صار ودك تناسين
لاتذكرينه لو لقيتي له أشباآه!