أنا أعظم من التعب وأكبر من جموعه
وأتبع سرابي ولكن وين بيدائي!؟
تاهت بي دروب عمرٍ كفّر رجوعه
ويخنقني الضيق لو وسعت بي أرجائي!
حرماني أكبر من احساسي ومن جوعه
واكبر من أني بأقول آلآمي [ ودائي! ]
مديت يدي لقلبك ..جات مقطوعه
وعجزت من غيرها كيف أجمع أشلائي!
حتى لو القلب هاض وسالت دموعه
تمسح له دموعه وتلعن لي أعدائي!!
كنت البياض بليالي عيد مفجوعه
من قبل ل أكبر خذاني الموت تلقائي!
ياطول ليلٍ كذب ما تصدق شموعه
وياخيبة اللي حلم في عمرعشوائي!
سكين غدر الحزن بالصدر مزروعه
وأحسها من وفاها..تشبه اعضائي!
يا عمري ..أبطى الفرح والروح [ موجوعه ]
والجرح مسموم يسري ياكل احشائي!
لو صحت صيحة خفوقي غير مسموعه
ولو بأسكت تموت فيني خيرة أشيائي!