كل حزنٍ ضل دربه دل دربي
مو بكيفي لكن دروبي حزينه!
كم تلحفني شتاي وداس قلبي
واغترف دمعي وانا روحي سجينه
جيت أنا أسال هالعمر واش كان ذنبي
يوم حزني حطني في وسط عينه!
ليه جرحي مايجف الا بشربي
يشرب عروقي ويسقيني الغبينه
ليه حلمي بالفرح خان وكفربي
ما التفت لي يوم اصيح العيد وينه
وين وين العيد ياحلمٍ سكن بي
كيف تتركني معا موتي رهينه!
كيف تذبح من على عينك تلبي
كيف هذا الحب في عيني تهينه
وانت ماتجهل غلاك وصدق حبي
تدري انك بالعمر غالي سنينه
ياعذابي دام طيفك من غدربي
ويا عذابي من جروحٍ مستكينه!
تلهب بصدري وصاليهاسهربي
لين قضت مضجع القلب بونينه!
مابقى بالليل همٍ ما احتفل بي
خانت الريح وهوت فيني السفينه!