داري كل الدمع داري
وانسي شعري وانكساري
مش أنا آخر الضحايا
في الهوى، والقلب دااريوالدموع هتفيد بإيييييه؟؟
إتفقنا ع المحبة
وابتدينا نحط حبة
فجأة طار الليل بوهمه
واكتشفنا أحلى كدبةبس انا كان ذنبي ايه؟
بعترف إنك بريئة
وان حبي كان حقيقة
والقدر ماهوش بكيفي
والنصيب محتاج مشيئةانت مش فاهماني ليه؟
يا نهاية صبر عمري
يا نجوم فرحي وبدري
يا طريق ضاعت ملامحه
وانتهى مشواره بدريوالمني تاهت عليه
يا غرام رجّع جراحي
يا سحاب غطى صباحي
كنت بحلم بيكي جنة
وردها ف كل النواحيواللي هنعوزه نلاقيه
إوعي تبكي ف يوم عليا
مالك انت بالأسية
قلبي دا مفطوم عليها
دا قدر مكتوب علياوالعذاب واخد عليه
جرح ايه اللي بإديكي
ألف جرح فدا لعنيكي
دانت كنت لقلبي دنيا
نفسه كان يعرفها بيكيبس مش مكتوبة ليه
وفري دمعة عنيكي
اوعي اكون صعبان عليكي
انسي قلبي وانسي حبه
يعني هي جت عليكي؟دانت أجمل خدش فيه
يعني إيه عاوزاني أسكت
وابتسم وانا قلبي ميت
هو قلبي؟ واللا سارقه؟
واللا كنت لاقيه في ماركت؟يعني دمعي كتير عليه؟؟!!