واراسي اللي من عنا الأيام شاب
والكبد فيها المر زاد إفرااازته
مخنوق مدري فيّ ضيقه واكتئاب
على النبط واللي يحب إيعااازته
وأخص لجنه فعلها لون الغراب
منها الشمالي قد كسر تلفااازته
اللجنة اللي بين ضرس وبين ناب
كيف الثقة والصدق منا حااازته
من نهج قناص الحصاني والذئاب
كلن مولم للهدف خرااازته
في حال والا حال تمشي ما تهاب
يوم اختلط عاااديه مع ممتااازته
أمور تمشي فالخفا على الدواب
رجم العنا يذري هيال إقوااازته
بسبابهم يا كم حزين وكم مصاب
الخبز يحرق لا كثر خبااازته
اللجنة اللي ما تدقق في الصواب
والا الخطأ بالنص كيف إجتااازته
أبيات مكسورة شف الشئ العجاب
بيتٍ عرج يمشي على عنّااازته
إن كان ما شافوه من قو الضباب
بالإذن يُسمع جرْس من عكااازته
هذا هو الوقت المناسب للحساب
بعيد عن همااازه ولمااازته
مرفوض مبدأ نسمعه من كل شاب
مو مشكله كلن يصلح عااازته
اللي معه عقل وبصيره وانتساب
ما عاد تغضي للخطا غمااازته
هاتو لنا قاضي وأنا أبرك للعقاب
وإنواعد الجمهور في إجااازته
ياأعتذر ياآخذ أعذار وخطاب
مانيب جاهل يرضع ف بزااازته
الشعر فالمضمون يامال الذهاب
ماهو ف تنسيقه وفي بروااازته
انا حقنت الشعر في دمي وذاب
ف الأكسجين اللي اْنتنفس غااازته
وإذا بغيته جبت ما لذ وطاب
الورد إكليله يجمل فااازته
لكن توبه يا بنات ويا شباب
شيعت للشعر النبط جنااازته
ابعتزل وارقى على روس الهضاب
مع العقاب الصيرمي وبااازته