شاعر وقلت ألتمس من شعري الراقي..
ما اعدّه ل هالفكر: أغلى محاصيله
كم عشت فكرة عصيّة حلّت وْثاقي
حادي ورا الركب.. تطربها مواويله
وكم ضقت من تيه دربٍ يعلن اغراقي
أعاني من همّ جاير، مرغم أشيله
وكم طال ليلٍ نجومه تسري بأحداقي
ومثلي يبوح ب كنينه لا ابتدا ليله
منادمي: هالسهر انيني: الساقي
حزين أنا: ذاب دمعه في مناديله
يا واقعي من شقايه وش بقى باقي؟
ألعن ردى الحظ، أو ارثيه وابكيله؟
داهمتِني بأسئلة، واحترت أنا ألاقي..
جواب كافي، وفكري ضاق تأويله
إنسان أنا: لا احترقت وضاقت أخلاقي..
أعيش وضعي كذا، بأسوأ تفاصيله
عزاي لاقيل: شاعر، تنطق أوراقي..
بأرقى كلام الفكر وأغلى محاصيله