مع سكون الليل وأنسام الفجر
سيّرت يمي طيوفك ي غلاي
جابتك من عقب م أعلنت الهجر
رحت في ذكراك وأنا افرك عصاي
لوف قلبي لوف أوراق الشجر
يوم عاصوف الجفا غطّا سماي
آه ي قلبٍ من الضيقة سجر
كيف تعزلني وأنا بين أقرباي
قلبي اللي ممتلي هم وضجر
عقب ما قفيت خارت بي قواي
كيف تهدم بيت مبني من حجر
بالوفا والحب مبني ي مناي
م احتمل جاشي غيابك وانفجر
بالبيوت النادرة يشكي عناي
عود للولهان واكسب به اجر
لا تشمّت ي بعد حيي عداي
بالحشا لك حب عكس احرف حجر
صاينٍ حبك وهذا من وفاي
مثل دق الوشم بكفوف الغجر
م انمحى ثابت وباقي في حشاي
ما وعيت إلا على أذان الفجر
وساق رجلي يشتكي فركة عصاي