زعلتها والله اني ما نويت
اخوض في كل نية خافية
لكني ان ضعت منها وان شكيت
ابقى لها والنوايا صافية
واتوب ما عاد اغامر وان قويت
وان كان شفت الخطايا لافية
هالبنت في قلبها الطيب لقيت
كل الدلع والخصال الوافية
احساسها لو وصفته ما وفيت
وحروفها وقت بردي دافية
حديثها شعر يغري بيت بيت
من البحر لين شط القافية
اشتت الحرف معها لو حكيت
وسوالف الشعر ماهي كافية
والمذهل بوصفها واللي لقيت
تميزت بالف ميزة ضافية
تزعل وتطلب رضاي اليا عصيت
وتحن حتى وعيني جافية
في قمة الضيق قمة واتيكيت
حتى زعلها يجيب العافية