مطر ، قل للمكان اللي نسى دربه :
مطر .. جينا عطاشى والقلوب جياع
تهادت مثل غيمة فالسما طرْبة
رعدها في جهات الذاكرة طماع
مطر .. يا حيّها اللي مبتعد قربه
مطر .. يا فيّها اللي من خجلها ضاع
فقدت بفقدها وجهٍ تبشّر به
فقدها مصيفي واستوحش المرباع
عظيمة بالفرح والحزن والكربة
أنيقة وان مشت يطرب لها الايقاع
والاكواب اللطيفة بعدها .. غُربة
كئيييييبة .. لا حبق فيها ولا نعناع
مطر والذاكرة، ياليتها تربة
مطر والذاكرة، بين السما والقاع