كنت بحاول أبعد شوية،
بس قلبي بيرجع تاني،
كل ما أفتكر لحظة لينا،
الدمع بيغلبني مكانى.
كنت بحبك بصدق يا روحي،
وانت ولا يوم حسّيت بيا،
ده أنا كنت عايشالك لوحدك،
وانت بتضحك ع الضحية.
كنت دايمًا بحلم بقربك،
وانت بتنساني ف ثانية،
سهل تقول عادي خلاص،
بس أنا جرحي كان حاجة تانية .
كل أما أنسى، صوتك يرجع،
يتردد حواليا فى الهوا،
كل الأماكن بتحكي عنك،
ولا في خلاص فى بعدك دوا.
مكنتش عايزة غير أمانك،
ولا كنت طالبة الحنان،
بس انت اخترت البُعد عني،
وسبتني أضيع ف النسيان.
يمكن تكون مبسوط دلوقتي،
بس أنا موجوعة قوي،
كنت التعلّق والإدمان،
وانت النهاية والوجع.
بس المؤلم
بحلم بيك فى كل مكان
وانا صاحية ولم بنام.
خلاص
خلصت حكايتك في قلبي،
قلبت صفحتك ف الوجع،
كنت زمان روحى وسندي،
دلوقتي ولا هفتكرك بشوق،
مطلعتش أمان ولا حتى جدع.
هعيش لنفسي مش لهواك،
وهخلي جُرحك يبقى درس،
ما عدتش أضعف يوم وراك،
ولا هستنى وعدك لو رجع.
يمكن فراقك وجعني، آه،
بس خلاني أفوق وأعيش،
عرفت إن اللي بيغيب برضاه،
ما يستحقش له تعيش.
كفاية بقى وجع
ودلوقتى هقدر انساك ؟