كنت باهتم وإنت ساكت…
ولا مرة حسّيت بيا،
ضحكتك كانت سما ف يوم،
دلوقتى بقت ذكرى منسية.
كنت بحلم تبقى حضني،
وأعيش العمر ف أمان،
طلعت وهم ف كلمتين،
ونهاية من غير عنوان.
وجع وخلاص…
مش باقي غير وجع وخلاص،
كنت دوا، وبقيت الجرح،
وفي بعدك مات الاحساس.
قلبي حبّك ببراءة،
والبراءة اتقابلت بغدر،
والقلوب دي جبانة،
ما بتعرفش تحب من القلب.
كنت أنا النية السليمة،
وانت النية الكذابة،
كنت أنا الورد ف حضنك،
وانت الشوكة الجاراحة.
وجع وخلاص…
مش باقي غير وجع وخلاص،
كنت دوا، وبقيت الجرح،
وفي بعدك مات الاحساس.
بس خلاص، كفاية وجع،
القلب خلاص اتلسع ،
اللي خان، خسِر الأمان،
وأنا الخير وانت الخسران.
مش ندمانة، ولا خايفة،
ولا محتاجة اى اعتذار،
أنا وجعي علّمني أحب،
بس المرة دي… نفسي اختار. ؟
وانى ما بقاش رقيقة وضعيفة
واعرف اخد قرار
حتى لو قرار بالبعد.
احسن من قرب وانا بنهار.
وجع وخلاص…
مش باقي غير وجع وخلاص،
كنت دوا، وبقيت الجرح،
وفي بعدك مات الاحساس.
مكنتش حابة أوجع حد،
بس كرامتي فوق الغرام،
يمكن خسرتك ف الطريق،
بس كسبت نفسي والسلام.
وجعي خلّاني أقوى،
مش هشكي ولا ألوم الأيام،
اللي خانني… ينساني،
وأنا أكمّل بعِزة وسلام.
الوجع خلص، واللي راح خلاص،
قلبي اتعلِم، من قسوة الناس،
بس لسه فيه نبض…
نبض كرامة… مش إحساس.