يا بابا، مكانك جوّه قلبي،
ولا يوم الزمن يقدر يغيّبك،
ده إنت الأمان وقت التعب،
وإنت الحنية ف نظرتك.
كنت السند، والضحكة ليا،
والحضن لما الدنيا تميل،
ولو غبت عني ف يوم شوية،
بحس إني فى بحر طويل.
الأب مش بس رزق وكرم،
الأب معنى ودفا وسكون،
ولو الأب غاب عن حياة بنته،
الفرحة بتطير من العيون.
ولا حبيب ولا زوج يعوض،
ولا حد ياخد مكانك يوم،
ده وجودك حياة يا أغلى قلب،
وغيابك وجع وليل مالوش نجوم.
ولكل بنت أبوها سابقها،
ما تبكيش يا روحي كتير،
هو ساب الجسد، بس روحه،
لسه حواليكي بتطير.
افتحي له باب دعوة دايم،
وارفعي له إيدك ف كل حين،
ده الأب عمره ما بيمشي،
ده عايش جوا الحنين.
مكانه ف القلب مش بيتغير،
ولا الزمن يقدر عليه،
الأب نعمة ونور من السما،
ولو غاب، نوره ما يطفيش فيه ؟