صحيح الفلوس ملت جيوب
لكنها ولا نضفت قلوب
صاحبها بقى طالع بنفسه بيها
بعد ما كان فقير معدم مغلوب
ويوم ما على داس على الكل
حبيب وقريب وحتى غريب
ما ده أصله الواطى الغالب
هو ده يعنى فيه طبع غريب ؟!
ومهما الواطى يعلى ويلبس دهب
ويلبس لبس جديد
بيفضل أصله فى اختياراته
تلاقيه لابس لبس غريب
لا الفلوس خلته ابن ناس
ولا عرف يتأنتك بيها
ولا حتى بيلبس ألاجة وشيك
ماشى مبهدل فى نفسه
ويقولك أنا الاجة وبيه ووزير
ولا علاقته بالستات تلاقيه زير
زى الخنزير
ما اصلوش شاف الشياكة
جاى من الكفر على قصر أمير
ومش مصدق أنه ركب عربية
وطيارة بعد ما كان
كبيره يركب حنطور وحمير
بقى عامل بيه ومغرور
والواد قال يعنى مز وغندور
وقال يعنى الواد خفة
وهو لطخ دمه تقيل
اللى كان آخره ينام على الترعة
ويتقرص من الناموس والدبور
ومش مصدق لابس بدلة
وماشى على السجادة الحمرا
اللى كان آخره الكاستور والدامور
بقى عامل فيها الحبوب القمور
وهو آخره يحط الجلة عطور