خلاص مش مستحملة
أيامكم سودة ووقعتكم مقندلة
رجالة عايشين دور شهريار
واللي تتكلم يقولوا مسترجلة
عوار فكري وضمير مخزي
ويعتبروا المرأة كأنها سلعة
دي عالم جاحدة مسترزلة!
بيقيسوا الشرف بطرحَة
وينسوا الضمير !!! :/
واللي تمشي عدل تستنكر
واللي تعيش بوشين تبقى
ملاك وسلوكها جميل !!!
لسانهم سيف، وقلوبهم حجر
ما يعرفوش لا حب ولا فِكر
ويقولك دي ناقصة عقل ودين
طب فين دينك وانت ظالمها بفِكِر؟
عايشين في دور أسياد وبشر
وناسيين إن الست أصل العمر
هي اللي ربت وهي اللي صانت
وهي اللي شالت بضمير صابر المر.
المرأة حالها بقى عجيب جدا
وقال بقى يا عينى زعلانين ؟!
من شوية قوانين !
بتجيب حقنا ووضعنا المهين
ويقولك ستات مسترجلة وبتاع
ما انتم اللى بفكركم بوظتوا البلد
ولبستم الحق قناع
على حبة منافقين ودعاة انطاع
مرة تقولوا الست قارورة
ومرة تقولوا دى أهل النار !!!
مرة تقولوا دى ام فاضلة
والجنة تحت قدميها
ومرة تقولوا دى سبب الفشل والعوار !!!
كمية تناقض عجيبة وقلوب أصحابها مريضة
وقلوب عمرها ما رحمت عيشتنا حالة مريبة
فعلا حاجة عجيبة !!!! :/