مش هسكت تاني ولا أخاف،
ولا أعيش مكسورة في ضعف.
مش لعبتك ولا عبدة فى بيتك،
أنا روح كلها شرف وعفاف.
إيدي مش للضرب... دي للحنان،
وقلبي مش ساحة إهانات ولا هوان.
اتربّيت على كرامة مش على إهانة،
وعايزة شريك، مش سجّان بأكتاف.
أنا مش عورة... أنا نور البيت،
أنا اللي بحب وبخاف وبديك الحنية.
أنا اللي وقفت في وشّ الريح،
وأنت اللي ناسي إننا بشر...
ونص المجتمع وصحبات قضية.
يا اللي بتضرب، فاكر نفسك راجل؟
ده الرجولة مش عضلات ولا صياح.
الرجولة حضن وستر واحترام،
مش جرح ولا قسوة ولا سلاح.
يا عالم فوقوا، الست كرامة مش سلعة،
مش ظلّ راجل ولا صوت مكتوم.
دي الأم، الأخت، الحبيبة، الوطن،
دي النور اللي بيه اليوم بيقوم.
مش عايزة إحسان لكن قانون يحمينى،
عايزة عدل يرفعني مش يظلمني.
كفاية خوف، كفاية جروح،
الست العربية قامت... ومش هتسكت تاني
ولا تعيش بضمير مجروح. ؟؟