يا عبيد الزيت والسكر
يا ميت خيابة وعيبة
تبقى مصرى اصيل
حفيد الفراعنة وابن النيل
وترضى تعيش عويل !
بلدك بلد زراعة وعندك
الخير زيادة ووفير
بس اتعودت على الشحاتة
وسيجارة ترقصك
وكرتونة زيت خايبة
يقدر بيها اى حد يخدعك
تروح تتسول فى الانتخابات
وتشحت زيت وسكر
وترقص بالعلم
وتمد ايدك وتقول للمنتخب
هات وهات
ولو تبص فى وشوشهم
تلاقيهم خرفان عاهات
كرتونة تشبعك يوم
لكن ولا لبر الامان تعوم
كنت يا حبيبى روح اشتغل
او اتعلم حرفة وكلها بالحلال
ولو مش عاجبك حال البلد
كملها بالسكات
يا شوية متسولين !
يعنى الزيت والسكر
تمشى حياتكم
وعاملين فيها جعانين
وعايشين حالة حرمان
طيب حتى لو حالك غلبان
او بتنام يوم جعان
عفة النفس غالية وهى كنز الزمان
مش تغير حال بلدك ولو ايه اللى كان
ولا ترضى يوم ضميرك
ولا ترضى بلدك تتقدم خطوة لقدام
همك كده على بطنك وتروح تبيع وطنك
من غير وطنية ولا عرفان
فعلا شوية خرفان ؟؟؟