أختارت نفسى،
وقررت أنسى الوجع،
قررت أعيش حُرّة،
ولا إنّي يوم أتوجع ؟
حبيت بإخلاص،
ولقيت الحب وَهم،
ونسيت حبيبى خلاص،
ورجّعت لروحي الحلم ؟
رجّعت ضحكتى،
بعد ليالى دموع،
واختارت البسمة فى سكتى،
ونورت فى طريقى شموع
وشُفت في مرايتي
بنت قويّة بتترسم؟
بتقوم بعد الكبوة ،
وتكمّل المشوار،
ولا بتخاف خُسارة،
ولا يوم هتنكسر؟
أنا اللى عرفت قيمتى،
مش هستنى اهتمام،
ولا كلمة حلوة مزيّفة،
ولا حبّ بنصّ الكلام ؟
دلوقتى أنا عنوانى،
افرح نفسى والسلام،
مش هرجع للماضي تانى،
لأنّى ببساطة...
اختارت نفسى وانى اعيش بأمان
دلوقتى أنا مرايتي بتضحكلي،
وبتشكرني إني نجّيت ؟
ماعدتش بدوّر على حد،
أنا الونس ولنفسى حييت ؟؟
مش محتاجة تصفيق ولا اى كلام،
ولا حبّ مش حقيقي ولا وعد بغرام،
ده قلبي اتولد من جديد،
نَضِج، واتعلم النسيان،
وازاى ينسى ويقوم،
ويعدى اى هموم،
وشمس الحياة نورت،
وعديت اى غيوم؟
وساعتها فهمت إن الحرية،
مش بعد حبيب ولا بعد خصام،
الحرية إنك تحب نفسك،
وتكمّلي في الطريق... بامان ؟
أنا اللى اخترت البدايات،
وودّعت كل النهايات،
واللي كان وجع امبارح...
بقى درس للحكايات ؟
دلوقتي أنا عنواني الأمل،
وصوتي بيوصل للسماء،
مش هستنى حب من حد...
لأن الحب ساكن جوايا أنا. ؟
وفي آخر السطر كتبت بخطّ بإيدي
“أنا اللى رجعت لنفسي بإرادتي وحدي” ؟
أنا اللى قومت نفسى وصنعت لنفسى مجدى،
مافيش وجع يكسّرني تاني،
ولا وعد كدّاب يهزمنى ؟
تعلمت أكون ليا،
مش ظلّ لحدّ ف الرواية،
وأعيش كل يوم بنية،
سلام... ورضا... وحكاية ؟
وساعتها عرفت الحقيقة،
إن الحبّ مش في الغير،
ده جواك... فيك...
في قلب بيحبّ الحياة بضمير
فابتسمت، وقلت لنفسي:
كفاية دموع يا أنا،
من النهارده بداية جديدة،
وأنا... اخترت أنا. ؟؟