أبشر ترى ما عادلي خاطرٍ فيك
والله لاسوي اللي تبيه وتقوله
وأوعدك لين الموت ما جيب طاريك
ون حد سألني قلت مانيب حوله
ما كل قلبٍ مثل قلبي يداريك
ولا كل عينٍ مثل عيني خجوله
لا شك أنا أحبك ومن قلبي اغليك
وسويت لك وسط المعاليق دوله
لكن خساره وش تبيني أسميك
ذبحتني واقفيت عني بسهوله
ما كان مخلوق بقلبي يساويك
ولاسمحت لغيرك انه يطوله
اسمع: قسم بالله ماعاد اراضيك
ورضاي لا ماظن ساعه تنوله
لاعادك الله روح مابيك مابيك
ضيعتني والعقل ضاعت حلوله
ابعد دخيلك جعل ربي يهنيك
ياعل باكر تعرف اللي أقوله