تبكي على الذكرى عيون الوداد
ذكرى وتحرقها هجير الحنين
صارت مع الأيام فيني رماد
قصة لها في جوف صدري رنين
هبّت عليها حزْن ريح البعاد
وطاحت على الأضلاع ماضي دفين
الفقد جرح وذكرياتي ضماد
وتْوسّدك يالصبر في كل حين
ذكرى وفيها ما تحقق مراد
حلم وبنيته وأهْدمته السنين
راحت وكانت وسط صدري بلاد
بالحبّ تحكمني وقلبي الأمين
حبي كبير وحب ماله نفاد
حبٍ نَبَعْ مجراه حبل الوتين
غابت وصار الوصل مثل الجهاد
ما جاب لي الهدهد بعلم ن يقين
من بعدها ما ذقت طعم الرقاد
ليلي سهرته في عذاب وأنين
حالي كما اللي يطلبونه سداد
غرقان في دينه وبيته رهين
أسأل عليها الحيّ محدن أفاد
حتى عيون الريم عيّت تبين
ذكرى تولّد بالجروح الجداد
لا من ذكرت الزين صافي الجبين