اخطيت في حبّك وقلبي عطيتك
ما حبّ قلبي قلب له حبّ صخرة
تركت كل الناس خلفك وجيتك
خليتني بعدك أذوق ألف حسرة
تشوف نفسك من بعد ما اشتريتك
يعني احبّك هنْت قلبي بكبره
ظلمت نفسي في لقاك وخذيتك
والعذْر يا قلبي على كل كسرة
نهايتي مَعَكْ مَثَلْ ما بديتك
خلك وخليني على حرّ جمرة
كان اختياري غشّ فيك وهويتك
فيك اكتشفت أشياء وأخذت عبرة
بكره بتندم لا هجرْت ونسيتك
تدفع ثمن تكسير قلبي وجبره
هدمت حبّك يوم جيت وبنيتك
انقاض صارت بين الأضلاع دثره
لو مات حبي ما تفيدك يا ليتك
تشرف على تكفين قلبي وقبره