الطفل

الطفل:

بافرح قوى بأبطال أكتوبر

أنا جدى من أبطال أكتوبر

كان إنسان من دم ولحم

لاكان باتمان ولاكان السوبر

كان جدى بيحب بلده

ووهب الحُبدا ل بنته وولده

وع الحب ده رباه والده

اللى كان فدائى وضحى لبلده

بص ولقى شياطين ع الأرض

يحرقوا يسرقوا يهتكوا عرض

جُمْ على غفلة أحتلوا بلادى

جدى حلف ماينام إلاما يرجع الأرض

وأرض بلدنا رجعت لينا

وجدو بطل من أبطال سينا

بس خالى أصبح شهيد

والشهادة أكيد شرف لينا

قولوا لكل طفل ف بحر البقر

جدى ثار وخد بتاركم وانتصر

ولو كل طفل منكم مات شهيد

إحنا آمنا بالمكتوب وآمنا القدر

أنا أتولدت فى عصر السلام

ومع صغرسنى مليان كلام

ونفسى أحييى أبطال المعارك

اللى شاركوا فى مسيرة السلام