قم قهوني صوتك اللي بحته هيله
لاوالله الاضرمت وزايد عماسي
يغريني الكيف الاشقر في فناجيله
من دلة ريحها يبري وجع راسي
في جال جمر الغظاقرّب معاميله
ثم احمس احساسك الطاغي بمحماسي
ون كان مامن جمر نشعل مشاعيله
احطب جذوع الوله لو ينكسر فاسي
في صوتك احساس مااعرف كيف تاويله
اليا فقدته ليألي تقرع اجراسي
هواك ناسك تهجاني تراتيله
والشوق قبل ارسمه يرسم بكراسي
اللي تقهوى كلامك ليلته ليله
وكاد يثمل وهو مايشرب الكاسي
يانسمة الشرق هاتي لي تفاصيلة
اتنفّس آخر علومه واشهق انفاسي