يا صاحبي والعزّ فينا طبيعه
نمشي ولا نرضى على النفس زلّه
اللي يخيّرنا ب بعضه نبيعه
عفناه في بعضه وعفْناه كلّه
هاماتنا والله خلقها رفيعه
والعمْر نور وعزة النفس ظلّه
امّا جفاف العمْر ولّا ربيعه
نموت عزّ ولا نعيش بمذلّه
واللي نوى يمشي دروب القطيعه
ناخذ يده ونوصله لي محلّه
باقدامنا هالارض تصبح وسيعه
وشموسنا لها على الكون طلّه
وارواحنا مثل الغيوم البديعه
امطار تحيي الخلْق سيل وتبلّه
قالوا اذا عاندك وقتك تطيعه
واقول احنا الوقت دقّه وجلّه
والعمر ليلة والليالي سريعه
سراب يتشابه بكثْره وقلّه
قلوبنا ما تلتفت للفجيعه
في كفّنا سيوفٍ وللسيف سلّه
والسيف يكرم عن هروج الوضيعه
درب الردى ما نعرفه ولا ندلّه
احنا سقينا النفس دين وشريعه
الله خلقنا والمخاليق لله.