وانتي بعيده اشوفك شمس وهّاجه
تروي ظلامي ضيا ومرّت عتيمي شعاع
قرْبي عيونٍ بها لي حكيٍ وحاجه
بسري دروبي بها دام العيون وساع
انتي ضيا وظلمتي للضيّ محتاجه
يا جارحه بالهوى قلبٍ غدى ملتاع
قلبٍ يبي نور عينك والعمى سياجه
قلبٍ من اقدار عمره ارتعش وارتاع
في ريح ليله حملك النور بسراجه
ومن قال مرْني الهوى ليله ورحل خدّاع
الحبّ بابٍ ولكن وين مخراجه
والحبّ بحْرٍ نجيله مركبٍ وشراع
وبحْر الهوى من يبي ارضه مشى امواجه
وانا رحلتك بحر ليني وصلتك قاع
يا غاية القلب يا دربه ومنهاجه
ان كان سيف الهوى لجرحي غدى طمّاع
ظنّي جروح الهوى للعاشق علاجه
وظنّي من اللي لقى دربه فعيونك ضاع.