جيتك وانا شايل جروحي على اكتافي
جيتك وانا لابسٍ من ظلمتي ثوبي
جيتك بقايا شموسٍ ضيّها طافي
وضيا عيونك رجا ليلي ومطلوبي
لا لا تصدّ النظر يا صاحبي كافي
بحكي وانا اللي كثير الصمت عذروبي
سقاني الوقت كاس من الوهم صافي
حتى لقيت بسرابه قاسي حروبي
مالي ثرى دام انا بالجرح ميلافي
ومالي سما دام نجمي طاح بدروبي
يشكي الهدب عن عذابي واحسبه خافي
الهمّ ذنبي انا .. وجروحي عيوبي
ضعت وتساوى بعيوني ظلمي وانصافي
لا باس .. لو ضاع بين الناس محبوبي
حظّي انا يشبه كفوف الزمن .. جافي
وما ظنّ بلقى حبيبٍ يغفر ذنوبي
ذبلت شموسي وشكت بالبرد اطرافي
ذاب الضيا وظنّي حانت لحظة غروبي..