اقطعي ثوب الظلام بضيّ عينك
شققي هالليل .. لا يبقى عتيم
ياللي اهدابك ضيا جودي بحنينك
ما بقى غيمٍ ولا امطار ونسيم
ما بقى الا ظلمتي بيني وبينك
وين اشوف وظلمتي لعيني نديم
طال ليلي وما سألتي وقلتي وينك
ياللي حبّك نار واحساسي هشيم
وقّفي لحظة وانا قلبي ضنينك
لي وَعَد معْك انتي فالليل البهيم
لو اضيع بتاخذيني في يدينك
لو اسافر لو افارق لو اهيم
التجي للشمس والشمس فجبينك
ويوم انا نجمٍ وعدتيني بسديم
اذكري جرحي ولو مرّت سنينك
ايه احبك واكتبيها بالصميم
ولو جهلتي زاحمي بشكّك يقينك
واذكريني عاشق ووجهٍ قديم.