ابحمل الشمس فيدي وارميها لي آخر مدى
ما عاد يعنيني ضيا شمسٍ ولا عتمة ظلام
وابقطع اصواتٍ تناديني لها همّي صدى
دام الزمن ما يغيّره كثْر الحكي وقلّ الكلام
ببحر فبحر الجرح اداري الجرح ما دامه هدى
والمنجرح اصعب دروبه فالجروح الإلتئام
وابحبس النور بجفوني والضيا دامه بدى
تعبت امدّ الصبح امل والليل في سهده هدام
والخافق اللي ضاع بجراحه نزح عنّي وغدى
اشكي من جروحي وتتعب شفّتي من الابتسام
بصبر على جافي الزمن علّه يمرْ وردي ندى
ولا بدّ ما تمطر غيوم ويمطر بجدبي غمام
يالله وامّا موت ولاّ وقفة تغيض العدا
وامّا حبيبٍ ما يمنّي القلب بوداع وسلام.