تسمّيني المدى وانت المدى اللي ساكن عيوني
تناديني العمر وانت العمر اللي انكتب اعمار
حبيبي مرحبا وانت الفرح وانت اصدق شجوني
جدايل شالت الظلمة وبسمة تنثر الانوار
عرفتك قبل لا اشوفك خيالٍ عايش ظنوني
رسمتك بالسما فجْر وزرعتك بالثرى اشجار
وجنيتك بالهوى واسقيتني وابتلّت غصوني
سماي انته ولا غيرك ابي منّه سما وامطار
ابي تنادي ان نويت ارحل وتقضبني من ردوني
ابي الريح وابي الموج وابي امشي الهوى اسفار
سألتك هو صحيح الحبّ لحظة عقلي وجنوني؟
صحيح الجرح من كفّك حبيبي تغفره اعذار
حبيبي يا ابعد من النجْم واقرب لي من جفوني
احبك لين فاض القلب نورٍ والورق .. اشعار
احبك يا اخر شموسٍ تنوّر لي سما كوني
حبيبي والهوى قدري وانا شلون امنع الاقدار؟