يا موقد سراج الامل بالدياجر
اطفي سراجك ما ورى الصبح ابلاج
يكفي ترجّى النور والليل زاجر
ويا ليت عن هالليل بابٍ ومخراج
اشوم لكن طبع هالجرح فاجر
كل ما نسيته حدّني الجرح بسياج
الليل ونجومه بصدري خناجر
لو اللتفت ما شفت لي نجْم وهّاج
للبسمة امشي هالاراضي واهاجر
محتاجها لو قلت ماني بمحتاج
اصدق كلامٍ مرقده بالحناجر
واكذب كلامٍ خالف القول منهاج
واصدق شعور اللي تقوله المحاجر
تصدق عيونٍ بالحكي ويكذب حجاج
طال الحكي ومات الشجر بين حاجر
الليل صدري صعب اضويه بسراج