حتى انا لي حقّ بالكره والحب
حتى انا لي حقّ اغضب وافارق
لي حقّ اشرب من نهر عمري العذب
ولي حقّ دمعٍ وسط هالجفن غارق
ولي حقّ يسقيني المطر رغم هالجدب
ولي حقّ قلبٍ بالهوى ما يفارق
ماني تحت ظلٍّ انا الشمس انا الشهب
عيني سما وبالكفّ رعدٍ وبارق
مديتها عيوني على اشجارٍ وعشب
ورديتها ومرّ اخضر العشب حارق
الوقت لو ندري من كفوفه النهب
نرضى دروبه وندري الوقت سارق
حبيبتي مليت انا طبعي الصعب
ضايع وزادت في دروبي المفارق
افارقك؟ كذبٍ ولو قلتها كذب
قلبي انا اللي بك عن الناس فارق
حبيبتي الحبّ دارٍ بها القلب
لا تفتحين الباب والوقت طارق.