تعبت اعبر ظلامك يا حبيبي وما الاقي نور
تعبت احتار بيني وبين نفسي وقلبك القاسي
عجزت اللقى لاقدامي دروبٍ ولكفوفي سور
وبحرك ريحٍ وموجٍ ولا ظنّي انا بقواه بانفاسي
سألتك عن دموعٍ سافرت من قلبي المكسور
الى رمشٍ تحرّق بالجفا من قلبك الناسي
عطيتك نور عمري وما بقى لي الا بقايا شعور
وانا اللي كان لي منّك دموعي وظلمتي وياسي
تعبت الدرب والريح وتعبت اطوي بهوانا بحور
طلبتك يا بحور الحبّ خلي مركبي راسي
حبيبي لا يهمّك لو جروحي نزفها منثور
عنادك كان اقوى من عزومي وقوتي وباسي
انا لي كلمةٍ ظني الاخيرة لقلبك المغرور
انا اللي بالهوى واقف اموت وما انحنى راسي
انا اللي ما بقى لريحي شراع ومركبي مهجور
امانة لا تعذّر والعذر قد فاض به كاسي
تصدق وانت من قبل العذر والله ترا معذور
حبيبي شرهتي لا .. ما هي لك لكن على احساسي..