يا سيدّي الشعر انا ودي اشتكي شعري
ما مرّ هاجس ولا مرّ ب شفاهي حروف
مرّ الزمن والقوافي خاصمت صدري
ومرّ العتم ما ضوى شعري المدى بطيوف
وضاع الورق ما لقى احساسي ولا حبري
ومال الشجر كيف ابد ما هزّني بوصوف
اشوف سود الليالي حافره قبري
ودار الزمن ما فزع هالحرف لي بسيوف
من زعلك سيّدي واسوق لك عذري
طالت ولو قلت عنّي شاغلتْك ظروف
قدرك انا وانت والله بالعمر قدري
يا سيّدي الشعر وانته لي عيون وشوف
عقبك تهاوت نجومي وانتحى بدري
ليل الورق للحروف وضيّها ملهوف
لولاك انا ما يطول من العمر صبري
ولولاي انا ما بقى وصفٍ ولا موصوف
زايد على الشعر حرفي وثابتٍ قدري
في مجلس الشعر جالس يوم غيري وقوف.