اعتزمت أبدأ حياتي من جديد
يكفي ما فات وْ تعدّاني وشرد
العمر يمضي ولا كنت السعيد
لازم أحيا اللي بقى منْه بْسعد
بركب بْحور الأمل وأبدأ أصيد
ما يحك جلدك مثل ظفرك أبد
راح أصيد الدرّ واللولو الفريد
لا متى آخذ من الغير الزبد؟
من تمنّى ما ينال اللي يريد
لين ياخذْه بْيده مثل الأسد
راح أخلي الهمّ عبد مْن العبيد
يا ما عذّبني سنينٍ ما تعد
لين خلاّني كما هشّ الجريد
تكسره نسمه وتقفي وتبتعد
راح أكسّر حظّي القاسي العنيد
يا ما عاندني وقال الا بعد
مهما عاندني بنال أقصى المفيد
واشهدي عهدي ووعدي يا بلد