ماني بخير

ماني بخير..

ماني بخير وعَبرتي تشهد

الشوق لك من غبت ما يبرد

ماني بخير..

طيفك يناديني

مرة يحس فيني

ومرات أحس إنه..

مثلك يجافيني!

مدري شسوي صدق..

لو شافتك عيني!

الشوق لك من غبت ما يبرد

ماني بخير وعَبرتي تشهد

في داخلي زحمة حكي وأكثر

خوفي أشوفك بس واتبعثر

ماني بخير..

كم كنت أنا أحياك

وأنسى بك الدنيا

واليوم أتناساك

وتضيق بي الدنيا!

بالله قل لي كيف..

في غيبتك أحيا

الشوق لك من غبت ما يبرد

ماني بخير وعَبرتي تشهد