متى القاك

متى القاك؟..

متى القاك قدامي؟

متى نبقى سوا.. في غير أحلامي!

أبيك تعود ذاك اللي عرفته زين

شقيق الروح والخاطر وضيّ العين

يكمّل جملتي.. من قبل ما أحكي

يحسّ بلوعتي.. من قبل ما أشكي

ويمسح دمعتي.. من قبل ما أبكي

لذاك اللي عطى معنى لأيامي

متى القاك؟..

متى القاك قدامي؟

عساك أرتحت!..

عسى قلبك لقى في غربته راحة؟

وخِلّك مو مهمّ يضيع بجراحه!

أبد مثّل على مهلك

وعيش الثقل في وصلك

ضميرك لو صحى لأجلك..

تطمّن.. راح تلقاني

تطمّن.. أنا مو مثلك!

بكمّل جملتك.. من قبل ما تحكي

وأحسّ بلوعتك.. من قبل ما تشكي

وبمسح دمعتك.. من قبل ما تبكي

أجيك ونبض قلبي يسبق أقدامي

متى القاك؟..

متى القاك قدامي؟