غيابك ماتحملته

غيابك ماتحملته ..

يرّد الصبح ..

من عشرة صباحات ..

ومن مية صبا فات

ويرد النور

يمِّد من الليال شهور

يتعّبني اذا اخفيته..

يتعّبني اذا قلته !!

غيابك ما تخيلته ..

يمسيّني بأشجاني

يصبّحني ثقيل حضور

يباكر مع شروق الشمس ..

يحييني : مساء الديجور !

غيابك لو تجاهلته ..

يودّيني عن نصف الصبح ..

لليلٍ ما تحملته ..

ولكنه يوديّني ..

لو اني ما تجاهلته !!

غيابك ماتحملته ..

يااحلى واغلى كل الناس ..

مادامك حرَّه بغيابك ..

رجاءً غيبي مثل الناس

انا والله ..

عجزت اخلَّى احساسي..

بغياب الناس وغيابك ..

نفس الإحساس !!

غيابك ما تساهتلته ..

وقَلَب عمري ..

قَلَب صبري ..

قَلَب في قلبي طاولته !!

غيابك ما تحملته

وإذا غبتي عن احبابك ..

رجاءً إخذي غيابك ..

مادامك ماانتي مثل الناس

غيابك مختلف جداً ..

هذا اللي ما تجاهلته ..

وبدَّل لي صباحاتي..

بليال اليأس

ولكنه يبدّلها ..

غيابك لو تجاهلته

في كل غيبه ..

رجاءً غيبي بغيابك

رجاءً أخفي غيابك ..

معك عني !!

هذا اللي عذّب احساسي ..

وكم زعَّل علي ناسي

وزعلّني علي مني !

في كل غيبه..

رجاءً غيبي بغيابك ..

هذا الممعن بتخريبه

لعلاقاتي ..

يتعامل في غضب بإسمي !

يتعامل في تعب بإسمي !

كأن روحي ماهي روحي ..

كأن قلبي ..

لا والله ..لا .. كأن جسمي ..

هذا كله ..

ماهو جسمي !!

في كل غيبه ..

رجاءً إخذي غيابك ..

هذا العابث بألاعيبه ..

بأوقاتي ..

يغيّرها، يبعثرها

يطولها ، يقصرّها

يأخرها بأساليبه !!

غيابك ما تحملته ..

ياهمس العطر

شمس النور

طبيعي يوجع غيابك .. !!

يمّد من الليال شهور

يمّد من الشهور دهور

ويتعّبني اذا اخفيته ..

يتعّبني اذا قلته !!!