يا ناصح الناس ليتك تلتهم حالك
نصايحك لو على نفسك توفّرها
أشغلتنا ما يوقف صوت مرسالك
وأغلب رسايلك عن غيرك تمررها
يا ليت يفصل دقايق شحن جوالك
ولا تهوّن حكاويك وتقصرها
نجاملك وانت ما يطري على بالك
غثيتنا وأكثر إعلامك تكررها
من شافك يقول فالله ولا فالك
إن ما كسرت الخواطر ما تجبرها
والله يقلل في العالم من أمثالك
ناسٍ تدور تلاقي من يناقرها
ما ينعرف وين مخراجك ومداخلك
حتى الحواجز على دربك تطامرها