يا من يعاتبني بقولك: ليه دايم ما تبين؟
أي والله، العزلة بتال الوقت أنا حبيتها
لو ما كسبت من اعتزالك غير صمتك يا فطين
عز الله إنه مكسبٍ غالي إذا سويتها
والعزلة أفضل من وجودك في جموع الغافلين
اللي من الخيبة تبي بالكذب ترفع صيتها
لا وخسارة من مضى وقته وهو صفر اليدين
والوقت غالي، والفرص يندم على تفويتها
ابعد من أصحاب المجادل والحماقة يا ذهين
أفكارهم مثل الهبا تبقى على تشتيتها
رافق رجال العرف وأصحاب العقول الفاهمين
ترى الوجيه الفالحة ترفعك لا خاوِيتها
ومن فضل ربي ما قطعت أواصري بالطيبين
أما علاقات المصالح بالشبا حسيتها