محبوبي يا رفيق عمريخلي الصبر صديق

مَحْبوُبِي يَا رفِيقْ عُمْرِي...خَلِّي الصَّبْر صَدِيقْ

فِي جْمِيعْ الأَحْوَالْ يْفِيدْ الصّْبَرْ

مَحْبوُبيِ مَشْرُوحْ لَكْ صَدْرِي...خَلِّي الأَمَلْ رْفِيقْ

مَا خِيرْ مِن سَعَةْ الصّْدَرْ

عَانَدِينِي فْحَمْدِي وْشُكْرِي...رَاهْ نُورْ الْغَدْ شْرِيقْ

خَلِّي آفَاقَكْ شَمْسْ وْقْمَرْ

يَا مَحْبُوبِي شْكُونْ يَدْرِي...ايْلَا شِي نْهَارْ تْفِيقْ

تَلْقَى مَعَ بْزُوغْ لَفْجَرْ

حَاَلْك حَالْ الْفَايَقْ بَكْرِي...وَفْيَدُّو جَوْهَرْ وَعْقِيقْ

وَفْيُومْ رْبَحْ وَفْلِيلَة تْجَرْ

ايْلَا بْغَاتَكْ مَا تْبِيعْ مَا تَشْرِي...وعْدُوكْ يْوَلِّي لَكْ صْديِقْ

وايْلاَ تَْنفَْر مَا يِْفيدْ فِيهَا قَْهرْ

هِيَا الدُّنْيَا يَا رفِيقْ عُمْرِي...ايْلَا أَنَا حَقْ مَحْبُوبَكْ بِيَ تِيقْ

وَلِّي مَا تَاقْ يْجَرَّبْ يَعْذَرْ

عَرَفْتْ الدُّنْيَا مَنْ اَوَّلْ صُغْرِي...كُلّْ مَا وَسْعَتْ لَازَمْ تْضِيقْ

تْوَلِّي هَمّْ وْضِيقْ تَمْثِيلْ لَقْبَرْ

وايْلاَ تَزْيَانْ وَقْتْهَا يَجْرِي...مَا يَتْرَكْ لَكْ فُرْصَة تَحْقِيقْ

فْلَحْظَة تَلْقَى فَاتْ قِطَارْ لَعْمَرْ

نهْاَرْهَا يْرُوحْ وْلِيلْهَا يَسْرِي...سَرَابْ فْصَحْرَا لِيهْ بَرِيقْ

لِّي تَبْعُو هْلَكْ وْ فَالرَّمْلَة غْبَرْ