ايلا غلبتي عف وشور
سير بلمهل بلا ما تتهور
راك فشغاف القلب ساكن
مد بصرك تلقاني بلا ما تدور
حدودك خفقات داك لقلب الرهيف
صغا لو ودير لخاطر
غرامك غرام انسان ظريف وعفيف
مدالو مدة يراجي ويصابر
وايلا انت غلبتي ما تديرش السيف
تغارد الوقت والمكتاب وتعافر
خلينا فجوار المعقول
الحب وحدو ماشي كافي
كاين السر وكاين لقبول
ماشي غير كلام وصافي
ماشي كل مشكل محلول
عنا بيا هز كتافي بالوافي
حبيب وعزيزمتمني وكثر من غالي
ومهما قلت عليك ما نوصف احساسي
ايلا غلبتي عف ورفق عفاك من حالي
مادام الكاس لي راويك هو كاسي