خاطرت بقلبي
ورميت سلاحي قدام الزين
مشيت فدربي
وانا تايه ما نعرف ماشي فين
بديت حكايتي بنظرة
يمكن يرد البال
تبعت النظرة هدرة
وعملت السبة سؤال
كانت النظرة بدرة
لربطة من صواب الحال
كلام جرنا لكلام
خدا دليل ومفهوم
ولات جرة غرام
يحسن عوين المحروم
ولي يقول حرام
ولي يكثر اللوم
حسابهوم نزوة وتفوت
ما جربوا حال المغروم
جرح فقلب ولا حد يموت
مولاه عايش وهو معدوم
واش تفيد الصورة والصوت
ايلا كان بنادم فدخالو مخدوم