فديت اللي تِذكرني وهزه خافي اشعوره
و قال امن الحلا سيرة بعذب الوجد يزداني
وصرت امن الهنا خجله وبالإحساس معموره
و لبيت الندا قلبه مع النسمات ناداني
وهذا الموج يحملني زوايا حيل مغموره
و خافق بالشكر ينضح مع لأمواج وداني
عشاني يوم انا اسرع البي صدق معذوره
اذا لأخواني ما البي ترى من اعطي الحاني؟
ولا حد يستحق اكثره من النبراس او نوره
و من غير القريب اللي عجايب شِعر اعطاني
انا ارسل بريدي له،، حروفٍ منه مسحوره
عسى يكفي عطش حرفي يبين صدق وجداني
ألا يا ساقي الزهره،، شظايا عشق منثوره
مِبعثر من شذى حرفك، شموخٍ الهب اجفاني
وطيبِ النفس،، متملك ولاعب لعبته ودوره
له امن الطيب ما عدى جنوني واذهل اجناني
ابي اهديك هالورده واعدي خافقكسوره
و اتوجها هنا يمك،، بعض من نثر الواني
وتقبلها كذا مني بقلبك حيل مأسوره
تقلي آه يا ليلى أميرٍ،، مالك،، أشجاني