حبك اللي كنت له في زي خادم
وصبري اللي فيك مات ولا بكيته
وعوجك اللي خالقه ربي من آدم
وأنا في عز اعتدالي ما قويته
ولو يكون الشوق في قلبي مترادم
لا بغى يظهر على وجهي زويته
وصرح حبي لو رعيته ما تهادم
وانت قادر لو تبي بنيه بنيته
ولو تكون أشباحنا دايم تنادم
جرحك اللي وسط قلبي ما نسيته
ذكرياتك والمفارق شي صادم
ومن يفارقني فلا والله رجيته
ولو يقال انه على فرقاي نادم
من يرجعلي الشعور اللي عطيته
ولو يقال انه على بابي وقادم
قلت لا والله تراني ما بغيته