لايمات الليل في صدري تفور
وسط غبة ذاوي الصبر إحسره
من قديم الوقت عيت لا تزور
الخفوق اللي حيت وسطه مره
غايره فيني ليا صدت تجور
تذبح الإحساس صد وتنحره
جيتها انسج من اللهفة جسور
كان تقطع وصلنا باقي شعره
لا يروح الليل وأحلامي تبور..
والحنين الدمس منهو يسهره
عاتبوني لاغدى حالي دبور
لو يزيد الجور قلبي ما كره
علقوني لا هتفت بلا شعور
واطلقوني لا فقدت المقدرة
لا يموت الحلم في وسط القبور
عقبها قلب العنا وش يجبره