ياصاحبي حال الكثيرين مشئوم
صارت مواجعهم همومٍ تبارا
ياليت تدري عن هوى حال محروم
ماكان خليت المعاني حيارا
اكتب معاني ضيقتي قاف موسوم
حتى غدى حزني بجوفي مزارا
متجمعه ب افواجها كنها سهوم..!؟
سهومٍ جحافلهم تتابع تدارا
اخطها وانا من الضيق مهموم
وأقول ياعزي ل حال الفقارا
الي امانيهم على ناظري دوم
تكتب وطن والفقر عمْ الديارا
وش حيلتي ياجوع قاسي ومعدوم
وين الامل لا قلت عنهم توارا
ديسمبر الايام اقبل مع الحوم
يطلب مثل نوت الدفينه مثارا
وين الدفا من رجفة البرد ياقوووم
لله ياهل الخير هل من إزارا
يدفي من الاوجاع يومٍ بعد يوم
وتغفي عيونٍ تحت ليل السهارا
وحنا على هالحال والراي مهدوم
إنجدف الامال ليل ونهارا
وين الحقيقه تعتلي ترقب إنجوم
والا الحقيقه في زمنا خسارا
إعلامنا يمناه للضد محسوم
ول مواطنينه مدّ تالي يسارا..!!
للحق مايكتب سوا شي مذموم
وللباطل العارم يصوت جهارا!!
نسكت خجل من دون لانذكر علوم
من خوف لاتدمع عيون الصغارا
نطلب من الله بالفرج جملة غيوم
لا هلْ ديم الخير عمْ الخضارا!!
عسى معا الايام نعتاش ونقوم
وننفض من الماضي بقايا الغبارا