يطيح من ليل التعب هم ونعاس
تصحى بي الذكرى وأدوّرك فيني
ليت الهموم اللي على العين حراس
تطلق سراح اللي ب جوفي دفيني
هذا أنا من وقت فاقد بي إحساس
ألثم بقايا الوجد (بيني وبيني)
أكذب عليك إن قلت ما ناشني باس
إلا قسم بالله.. عاث ب حنيني
هذي جروحي من زمن تلفظ أنفاس
كن الضلوع أسوار جرحي سجيني
أسرفت في عصر العنب وامتلى كاس
نشوة صحاوة لاشهقت اثمليني
شربت هم الوقت واستيقظ الياس
حطم شعوري لا ندهت اسمعيني
الليل جيتك فيه طرقي وعساس
لفيت ب أرضك ي غلاي اسكنيني
لو تزرعين الحب في جني الاغراس
من كل بد أرجوك لا تقطفيني
يمّي تعالي لا بدى دق الأجراس
ديسمبرك يسكن عروق الوتيني
أحتاج أحبك لين ما يذبل نعاس
اليا غفيتي بين رمشي وعيني