تاريخنا يحكي فعل هنا هنا هنا هنا
فعلٍ سمى فوق الجدي الفعل فعل جدودنا
يلي تقول القول قولك بالحكي ماهو لنا
تبطي على ذروات تملك من يدينك ذودنا
بعطيك نبذه من شعر نبذه تسولف عننا
إن كانها.. قوة.. كرم.. نزيدها.. من زودنا
قلت اسمع اسمع والشعر اليا كتبته لي جنا
عند الكرم شمر فخر ل الطيب مدت جودنا
فينا كرم حاتم غدى علمٍ ولا مره فنا
شفت الكرم دولة فخر ماهيب رسم حدودنا
شفنا حكمنا بالفعل اقرى ل تاريخٍ بنا
شوف الجبل اسمه قبل وش صار عقب وجودنا
اصبح جبل شمر.. لنا منا بنا منا بنا
جيناه..نبغي عزنا.. ب جموعنا.. ووفودنا
شمر وشمر للفخر سنجاره العز إنبنا
والأسلم أرسى من رسى على الحميه فودنا
وعبده على العيس انبرت سنا سنا سنا سنا
شامت سما فوق المعالي شامخه ب سنودنا
قولوا ل منهو.. لا كتب أنا ترى ماني أنا
إلا لا مني صغت.. حرفي فوق عِد عدودنا
نحكي كلام العرف واضح لو غدى فينا طنا
حنا على العد الرهاوي.. وسمنا ب جدودنا