ترحيب للريّس خليفه
وترحيب لمحمد ومنصور
ترحيب لِمْعَزّب لْضيفه
ترحيبةٍ ما مثلها يصور
مَرّت عَلَى قَلْبي خفيفه
عنهم وهم فِيْ خيْر وسرور
منظر زيارتهم شريفه
وقبل الزّياره حطّوا نشور
ألطاف حِكْمَتِهم لطيفه
فيها مِنْ الله رَحْمَه ونور
وعفاف شيمتهم عفيفه
وغنّى لهم جمله من الحور
مَ احلى الشعر مَ احلى سفيفه
الّلي غدى حق الهدف طور
وانقى الشعر نقوه نظيفه
واعالجه من دون دختور
وانقى السّمينه مِنْ الضعيفه
ويا الله بحظٍ عدل ويثور
وانقاه وآعدّل وصيفه
ويغدي كلّه ورد وزهور
حتّى يغدي شروى وليفه
مثل الدّون من غزرِ لبْحور
وهلّ المطر وابطى قنيفه
واصبح حلات الغزل منشور
بمناسبة موسم خريفه
فِيْ حضرة الحاكم ولحضور
وطير الفرح يلعب بسيفه
ويفرح وتفرح يا بو عسكور
يرزف ويا مَ احلى رزيفه
فرحان فِيْ جَوْ السما يدور